OLED — OLED теледидарлары өздігінен жарық шығаратын пиксельдермен жабдықталған. Әр пиксель бір-бірінен тәуелсіз қосылып және өшіріліп, терең қара түсті, «шексіз контрастты», қанық түстерді және кең көру бұрышын қамтамасыз етеді. Бұл әсіресе қараңғы көріністерді тамашалау кезінде айқын байқалады.
LCD — LCD теледидарлары сұйық кристалдар қабаты арқылы өтетін артқы жарықтандыру жүйесін пайдаланады. Әртүрлі өлшемдегі жарықдиодтар мен жергілікті күңгірттеу технологияларының арқасында олар жақсартылған контраст пен жоғары энергия тиімділігін қамтамасыз етеді.

Теледидардың өлшемі экранның жоғарғы сол жақ бұрышынан төменгі оң жақ бұрышына дейінгі диагональ бойынша өлшенеді және дюйммен көрсетіледі. Бір дюйм 2,54 см-ге тең. Бұл көрсеткіш диагональ ұзындығын ғана емес, экран аумағына, құрылғының бағасына және көруге ұсынылатын қашықтыққа да әсер етеді.

Ажыратымдылық — экрандағы кескінді құрайтын пиксельдердің жалпы саны. Ажыратымдылық неғұрлым жоғары болса, дисплейдегі пиксельдер саны соғұрлым көп болады. Соның нәтижесінде кескін анық, егжей-тегжейлі әрі айқын көрінеді.

Жаңарту жиілігі — экранның секундына кескінді қанша рет жаңартып, жаңа кадрды көрсететінін білдіретін көрсеткіш. Ол герцпен (Гц) өлшенеді. Жаңарту жиілігі жоғары болған сайын (мысалы, 144 Гц), қозғалыс бірқалыптырақ көрінеді және бұлыңғырлық азаяды.

LG-дің қуатты процессоры кескін сапасын жақсартып, оны түпнұсқа сапасына барынша жақындатады. 4K Super Upscaling технологиясы ажыратымдылықты арттырып, жарықтықты күшейтеді әрі кескінді анық және егжей-тегжейлі етеді.

Dynamic Tone Mapping — HDR контентінің әр көрінісін нақты уақыт режимінде талдап, жарықтық пен контрастты автоматты түрде реттейтін технология. Ол кескінді нақты дисплейдің мүмкіндіктеріне бейімдеп, көру сапасын жақсартады.
OLED Dynamic Tone Mapping — LG ұсынған динамикалық тонды бейнелеу технологиясының ең жетілдірілген нұсқасы, ал Dynamic Tone Mapping Pro — кескінді одан да дәл өңдеуді қамтамасыз ететін оның жақсартылған нұсқасы.

HDR (High Dynamic Range) — стандартты динамикалық диапазонмен (SDR) салыстырғанда жарықтықты, контрастты және түстерді жеткізуді кеңейтетін технология әрі сигнал беру стандарты.

Фильмдерді режиссер қалай ойластырса, дәл солай тамашалаңыз. Filmmaker Mode қозғалысты тегістеу мен қосымша кескін өңдеу функцияларын өшіріп, түпнұсқа түстерді, контрастты және кадр жиілігін сақтайды.

Ең соңғы жаңартуларды алып, жаңа функциялар мен бағдарламалық жетілдірулердің артықшылықтарын пайдаланыңыз. CES Innovation Award сыйлығының киберқауіпсіздік санатындағы жеңімпазы атанған webOS платформасы деректеріңіз бен жеке ақпаратыңыздың сенімді қорғалуын қамтамасыз етеді.

AI теледидарды пайдалануды барынша жекелендірілген етеді. Ол дауысыңызды таниды (AI Voice ID), дауыстық пәрмендер арқылы іздейді (AI Search), сізге лайық контентті ұсынады (AI Concierge), кескінді оңтайландырады (AI Picture Wizard) және дыбысты реттейді (AI Sound Wizard) — мұның барлығы нақты уақыт режимінде жүзеге асады.

Теледидармен өзара әрекеттесуді бастау үшін жай ғана «Hi LG» деп айтыңыз. Кіріктірілген AI сіздің командаларыңызды орындауға әрдайым дайын. Ешбір түймені басудың қажеті жоқ — «Hi LG» деп айтсаңыз болғаны, теледидар сұрауларыңызды қабылдай бастайды.

NVIDIA G-Sync теледидардың жаңарту жиілігін графикалық процессормен синхрондау арқылы кескіннің жыртылуы мен дірілдеуін болдырмай, ойын процесін барынша бірқалыпты етеді.

AMD FreeSync Premium ойын кадрларының жиілігіне қарай теледидардың жаңарту жиілігін динамикалық түрде реттеп, кескіннің жыртылуын болдырмайды және кідірісті азайтады.

Кіріктірілген Wi-Fi арқылы стриминг сервистеріне және Smart TV интеллектуалды функцияларына оңай қол жеткізіңіз. Теледидарды үй желісіне артық сымдарсыз қосып, сүйікті сервистеріңіз бен ойын-сауыққа жылдам қол жеткізіңіз.

Ойын консолі, саундбар және Blu-ray ойнатқышы сияқты сыртқы құрылғыларды HDMI порттары арқылы қосыңыз. Бір ғана кабель жоғары сапалы бейне мен дыбысты қатар жеткізеді.