Өтінімнен жөндеуге дейін: Қазақстандағы LG ресми сервисі қалай жұмыс істейді

 

 

Ресми сервистік қызмет көрсету — колл-орталықтың, логистердің, қосалқы бөлшектер қоймасының, техникалық қолдау инженерлерінің және елдің барлық өңірлерінде дерлік тұтынушыларға қызмет көрсететін сервис орталықтары желісінің жұмысын қамтитын тұтас процесс. Олардың барлығы өзара үйлесімді әрекет етеді: өтінімді қабылдайды, сервис орталығын жібереді, нақты диагностика жүргізеді, кейін қоймадан түпнұсқа бөлшекке тапсырыс беріп, жөндеу жұмыстарын орындайды.

Авторизацияланған сервис пен жеке шебер: айырмашылығы неде?

Авторизацияланған сервистің кездейсоқ шеберге жүгінуден басты айырмашылығы — жауапкершілік пен кепілдікте. Авторизацияланған сервис орталығы арқылы жөндеу кезінде клиент хабарландырудағы белгісіз орындаушыға емес, өндіруші атынан жұмыс істейтін ұйымға жүгінеді.

Жеке шеберге жүгіну көбіне лотерея іспетті. Оның қосалқы бөлшектерді қайдан алғанын және олардың жаңа екенін, заманауи платаларды қаншалықты жақсы білетінін, техника бір күннен кейін қайта бұзылса, келетін-келмейтінін білмейсіз.

LG авторизацияланған сервис орталықтарында инженерлер оқудан өтіп, қажетті техникалық ақпарат алады, ал қосалқы бөлшектер өндірушінің зауыттарынан жеткізіледі. Техникалық қолдау қызметі авторизацияланған сервис орталықтарының мамандарына тұрақты түрде оқу тренингтерін өткізіп, тұтынушы техникасын жөндеу нормалары мен талаптарының сақталуын қатаң бақылайды.

Тағы бір маңызды мәселе — кепілдікті және ақылы жөндеуді ажырату. Қызмет көрсету шарттары нақты жағдай мен техниканың мәртебесіне байланысты. Ақау жөндеу кепілдігіне жатса, жұмыс толықтай тегін орындалады. Кепілдікке жатпайтын өтінім кезінде клиентке ақылы қызмет көрсету шарттары алдын ала хабарланады. Соңғы түбіртекте ешқандай «тосынсый» болмайды.

Түпнұсқа қосалқы бөлшектер: неліктен бұл аса маңызды

Ақаудың себебін табу — істің жартысы ғана. Шебердің істен шыққан бөлшектің орнына нақты не орнататыны да маңызды. Түпнұсқа қосалқы бөлшектер нақты модельдерге арналып, зауыт стандарттарына қатаң сәйкес шығарылады. Ресми сервис орталықтарында олардың қоры алдын ала есептеледі. Логистер ақаулар статистикасы мен маусымдық сұранысты үнемі талдайды: мысалы, жазда кондиционерлер мен тоңазытқыштарға арналған бөлшектер, ал күзде кір жуғыш машиналардың бөлшектері жиі тапсырысқа беріледі.

Соның арқасында сұранысқа ие жинақтауыштардың 90%-дан астамы сервис қоймаларында дайын тұрады. Сирек кездесетін бөлшек істен шықса, ол мүмкіндігінше жылдам жеткізіледі — теңізбен немесе ұшақпен.

Мұның артында ауқымды логистикалық жұмыс тұр. Мамандар Кореядан ірі тарату хабтары арқылы Қазақстанға тікелей жеткізілімдерді үйлестіреді.

Жұмыс аяқталғаннан кейін техника тексеруден өтеді, ал клиент растайтын құжаттарды алады.

Жөндеу қалай өтеді: өтінімнен ақаусыз техникаға дейін

Клиент үшін процесс колл-орталыққа немесе сервис орталығына жүгінуден басталады, ал компания ішінде өтінім бірнеше кезеңнен өтеді.

- Өтінімді рәсімдеу.

Сервиске LG қолдау арналары арқылы жүгінуге болады. Колл-орталық қызметкері техника мен ақаудың сипаты туралы ақпаратты нақтылайды, содан кейін өтінім мамандардың жұмыс кестесін ескере отырып беріледі.

Кейде мәселені шеберді үйге шақырмай-ақ шешуге болады. Қолдау мамандары телефон арқылы кеңес бере алады немесе бейнекеңес ұйымдастырады.

- Техниканы диагностикалау.

Мәселені қашықтан шешу мүмкін болмаса, шебердің баруы тағайындалады немесе техника авторизацияланған сервис орталығына қабылданады. Диагностика ақаудың нақты себебін анықтап, қандай жұмыстар мен жинақтауыштар қажет екенін түсіну үшін керек.

- Жөндеу.

Көп жағдайда ірі көлемді техниканы тікелей үйде жөндеуге болады. Бұл әсіресе кір жуғыш машиналар мен тоңазытқыштар үшін маңызды, өйткені оларды тасымалдау иесіне қолайсыз болуы мүмкін.

Ақаудың сипаты мен қажетті бөлшектің болуы мүмкіндік берсе, ірі техниканың көпшілігі шебердің үйге бір рет келуімен жөнделеді. Жөндеуге арнайы жабдық немесе техниканы орнынан жылжыту қажет болса, құрылғы сервис орталығына қабылданады. LG дайын болған техниканы жеткізу қызметін де ұсынады: кепілдікті жөндеу кезінде ол тегін, ал кепілдікке жатпайтын жағдайда ақылы көрсетіледі.

Ірі тұрмыстық техника: үйде жөндеу

Шебердің үйге келіп жөндеуі теледидар, кір жуғыш машина және тоңазытқыш сияқты ірі техника иелері үшін өте ыңғайлы. Мәселелердің көпшілігі құрылғыны сервис орталығына тасымалдамай-ақ үйде шешіледі.

Өтінім бергенде ең бастысы — мәселені мүмкіндігінше дәл сипаттау. Операторға ақаулардың нақты қашан басталғанын, қандай қате кодтары пайда болатынын және құрылғы бұзылар алдында өзін қалай ұстағанын айту, мүмкіндігінше нақты моделін және/немесе сериялық нөмірін ұсыну маңызды.

Электроника мен шағын техниканы орталықта жөндеу

Сервис орталығында жөндеу қажет болса немесе әңгіме шағын тұрмыстық техника — шаңсорғыштар мен микротолқынды пештер туралы болса, жөндеу сервис орталығында жүргізіледі. Шеберханада инженерлердің қолында стационарлық диагностикалық стендтер, дәнекерлеу станциялары және күрделі ақауды жөндеуге қажетті басқа құралдар бар.

Бұл ретте ресми сервисте жөндеу мәртебесін нақты уақытта бақылауға болады: техника қабылданды, диагностикадан өтіп жатыр, жинақтауыш күтілуде немесе беруге дайын. Жөндеу мәртебесі туралы ақпарат құрылғыны алу уақытын жоспарлауға және нақтылау үшін сервиске қайта хабарласпауға мүмкіндік береді.

Қолдау қызметі және кепілдік міндеттемелері

Жоғарыда айтылғандай, сервистік қызмет көрсету инженері келмей тұрып-ақ басталады және бөлшек ауыстырылғаннан кейін аяқталмайды. Бұл — үйлесімді жұмыс істейтін тетік: операторлар өтінім қабылдап, алдымен не істеу керектігін түсіндіреді; техникалық қолдау жұмыс сапасын бақылайды және шеберлерге жаңа модельдерді жөндеуді үйретеді; ал қойма қажетті қосалқы бөлшектерді уақытында жеткізеді. Мұндай жүйе жөндеуді бас ауруы мен лотереяға айналдырмау үшін құрылған.

Ресми сервиске жүгінер алдында құрылғы моделін, техника кепілдікте болса кепілдік талонының деректерін және ақаудың қысқаша сипаттамасын дайындаған жөн.

Қазақстандағы LG техникасын баптау, пайдалану, жөндеу немесе техникалық қызмет көрсету бойынша кеңес қажет болса, ұялы телефоннан 2255 немесе қалалық телефоннан 8 8000 805 805 нөмірі арқылы қолдау қызметіне хабарласуға болады. Ел бойынша қоңыраулар толығымен тегін.

Ресми сервис — түсінікті әрі ашық жол. Әр қадам айқын болғанда, артық уайымдауға себеп қалмайды.