Quritish mashinasi kiyimlarni tez va sifatli quritishni ta’minlab, kundalik yumushlarni ancha yengillashtiradi. Biroq, uning uzluksiz ishlashi va uzoq muddat xizmat qilishi uchun muntazam parvarish qilish kerak. Quritish mashinasi va uning filtrlarini tozalash - qurilmaning samaradorligini oshirish, xizmat muddatini uzaytirish va nosozliklar ehtimolini kamaytirish uchun hal qiluvchi bosqichdir. Keling, quritish mashinasini to‘g‘ri parvarish qilish usullarini ko‘rib chiqaylik.

Quritish mashinasi va filtrlarini muntazam tozalash nima uchun muhim?

1. Samaradorlikni oshirish: to‘planib qolgan tuklar va chang havo oqimini kamaytiradi, natijada quritish sifati yomonlashadi.
2. Xavfsizlikni ta’minlash: yig‘ilib qolgan tuklar qurilmaning haddan tashqari qizib ketishiga sabab bo‘lishi mumkin.
3. Energiyani tejash: toza mashina kam energiya sarflaydi.
4. Xizmat muddatini uzaytirish: muntazam tozalash qurilmani muddatidan oldin eskirish va buzilishdan himoya qiladi.

Quritish mashinasini qancha vaqtda bir tozalab turish kerak?

• Filtrlarni tukdan: har bir quritish siklidan keyin.
• Baraban va ichki yuzalar: oyiga 1 marta yoki hidi kelganda.
• Kondensator va drenaj qurilmasi: har 2-3 oyda tekshirib turish kerak. Masalan, LG DC90V9V9WN modelida kondensatorning o‘z-o‘zini tozalash funksiyasi ko‘zda tutilgan bo‘lib, uni parvarishlashni osonlashtiradi.
• Havo quvurlari: yarim yilda bir marta, ayniqsa quritish samaradorligi sezilarli darajada pasaygan bo‘lsa.

Parvarishlash tez-tezligi mashinaning ishlash intensivligi va quritilayotgan mato turlariga ham bog‘liq. Misol uchun, tukli sochiqlar, jun va boshqa "momiq" materiallar sintetik matolarga qaraganda ko‘proq tuk qoldiradi.

Filtrlarni tuklardan tozalash

Filtrlar qayerda joylashgan?

Filtrlar turli joylarda bo‘lishi mumkin. Misol uchun, LG DC90V9V9WN quritish mashinasining asosiy tuk filtri eshik bo‘shlig‘ida joylashgan.

Filtrlarni qanday tozalash kerak

1. 1. Filtrni chiqarib olish:
• Mashinaning eshigini oching va barcha kiyimlarni chiqarib oling.
• Filtrni chiqaring. Ichki filtrni har bir foydalanishdan oldin va keyin, tashqi filtrni esa 10 ta yuvish siklidan so‘ng yoki tuklar ko‘zga tashlanadigan darajada to‘planganda tozalang.
2. Tuklarni olib tashlash:
• Ichki filtrni tashqi filtrdan ajratib oling.
• Ichki filtrni yo‘naltirgich yo‘nalishida burab oching.
• Tuklarni qo‘lda yoki yumshoq shyotka yordamida olib tashlang.
• Yaxshilab tozalash uchun filtrni oqar suvda yuvib tashlang.
• Noxush hid paydo bo‘lmasligi uchun filtrni o‘rnatishdan oldin uning to‘liq quriganiga ishonch hosil qiling.

3. Tashqi filtrni tozalash:
   • Filtrdagi tukni changyutkich bilan tozalang yoki oqar suvda yuvib tashlang.

1. Tavsiya: Har safar mashinani ishga tushirishdan oldin filtrlarni ko‘zdan kechiring.

Kondensator va drenaj qurilmasini tekshirish va tozalash

Kondensatorni tozalash

1. Mashina korpusidagi kondensator bo‘lmasini toping.
2. Uni chiqarib olib, oqar suvda yaxshilab yuving.
3. Kondensatorni qayta o‘rnatishdan avval butunlay quritib oling.

Drenaj qurilmasini tozalash

1. Suv chiqarish shlangida kir-chir yig’ilib qolmaganini tekshiring.
2. Mashinaning ostidagi qisqichdan suv chiqarish quvurini chiqarib oling va qolgan suvni quying.

Barabanni tozalash funksiyasi yordamida baraban va ichki yuzalarni tozalash

1. Suv yig‘iladigan idishni yechib oling, bo‘shating va joyiga qaytaring.
2. Mashinani ishga tushirib, "Barabanni tozalash" dasturini tanlang.
3. "Ishga tushirish" tugmasini bosing - jarayon taxminan uch soat davom etadi.
4. Jarayon tugagandan so‘ng, suv yig‘iladigan idishdagi suvni to‘kib tashlang.

Qo‘lda tozalash

1. Baraban va uning ichki yuzalarini sovunli suvga botirilib olingan yumshoq latta bilan artib chiqing.
2. Yoqimsiz hidlar va mog‘or paydo bo‘lishining oldini olish uchun yuzalarni yaxshilab quritib oling.

Tashqi yuza va havo o‘tkazgichlarini tozalash

Qoplama

1. Tashqi yuzani yumshoq mato bilan neytral yuvish vositasidan foydalanib arting.
2. Havo aylanish panjaralaridagi changni changyutkich yoki yumshoq shyotka bilan ketkazing.

Havo quvurlari

1. Havo quvurlarida ifloslanish bor-yo’qligini tekshiring.
2. Ularni changyutkich yoki uzun shyotka bilan tozalang.

LG DC90V9V9WN quritish mashinasini muntazam parvarish qilish uning samaradorligini saqlashga, xavfsiz ishlashini ta’minlashga va xizmat muddatini uzaytirishga yordam beradi. Bu oddiy harakatlarni bajarish orqali siz qurilmani nosozliklardan himoya qilasiz va uni mukammal holatda saqlaysiz.