Ойыңызды артық жүктен босатыңыз.
Life’s Good.

LG WashTower AI

AI Wash кірдің салмағы мен мата түрін анықтап, жуу кезінде барабанның әрбір қозғалысын оңтайландырады. AI Dry мата түрін танып, тамаша нәтижеге қол жеткізу үшін кептіру температурасы мен уақытын реттейді. Әр жолы қабылдайтын шешіміңіз азаяды.

LG Styler

«Бір рет кидіңіз» деген сөз міндетті түрде «жуатын уақыт келді» дегенді білдірмейді. Styler киімді бумен өңдеп, тиісті күтім көрсетеді, сондықтан оны артық күмәнсіз қайта киюге болады. Киімді ішіне іліп қойсаңыз жеткілікті. Таңертең ол дайын болады.

LG робот-шаңсорғышы

AI Cleaning оңтайлы бағыт құрып, кедергілерді айналып өтеді және бөлмеден бөлмеге кептелмей қозғалады. Дайындаудың қажеті жоқ. Тексерудің қажеті жоқ. Нәтижесі — мінсіз таза еден.

LG ThinQ AI

ThinQ UP Energy Saving Mode энергия үнемдеу режимін, Fresh Keeper функциясын және Self-Check өзін-өзі диагностикалау мүмкіндігін қосады. Соның арқасында кір жуғыш машинаңыз уақыт өте келе одан да ақылды жұмыс істейді. ThinQ Care барабанды тазалау циклі кезінде ішінде қалған кірді анықтап, әрбір жуудың жоспарға сай өтуіне көмектеседі. Сізге тек кір жуу қалады.

LG InstaView AI

AI Fresh есік жиі ашылатын уақытты анықтап, температураның көтерілуін алдын ала ескеру үшін екі сағат бұрын күшейтілген салқындатуды іске қосады. Азық-түлік балғын күйінде қалады. LG AI бір қадам алда жүреді.

AI бар LG ыдыс жуғыш машинасы

AI SenseClean цифрлық датчиктер арқылы үш кезеңде де — алдын ала жуу, негізгі жуу және шаю кезінде — ластану деңгейін бақылайды. Содан кейін су мен электр энергиясын үнемдей отырып, оңтайлы нәтижеге қол жеткізу үшін циклді автоматты түрде реттейді. Алдын ала шаюдың қажеті жоқ. Болжап таңдаудың қажеті жоқ. Ыдыс әрдайым таза.

AI бар LG тұмшапеші

AI Gourmet кіріктірілген камера мен жасанды интеллект алгоритмдерінің көмегімен әртүрлі азық-түлікті танып, мінсіз тағам әзірлеуге қолайлы параметрлерді ұсынады.

LG ThinQ AI

ThinQ UP AI Saving Mode режимін, Night View функциясын және Precise Ice Dispensing мұзды дәл мөлшерлеп беру мүмкіндігін қосады. Соның арқасында тоңазытқыш уақыт өте келе әдеттеріңізге жақсырақ бейімделеді. ThinQ Care температураның ауытқуын және толық жабылмаған есікті тәулік бойы бақылап, олар мәселеге айналмай тұрып хабарлама жібереді. Тоңазытқышыңыз күн сайын жақсара түседі.

LG DUALCOOL AI

AI Air радарлық датчик арқылы орналасқан жеріңізді анықтап, қоршаған орта жағдайларын ескере отырып, температураны, ауа ағынының бағыты мен жылдамдығын үздіксіз реттейді. Температураны өзгерту қажет екенін байқамай тұрып-ақ, үйде жайлы температура орнайды.

LG PuriCare AI

LG PuriCare AI тәулік бойы қосулы тұрады, бірақ қажет кезде ғана жұмыс істейді. AI+ режимінде құрылғы үй ішіндегі ауа сапасының өзгерісін алдын ала болжайды. Егер болжам бойынша ауа сапасы «Жақсы» деңгейінде қалатын болса, желдеткішті автоматты түрде өшіреді. Энергияның артық жұмсалуын ойлаудың қажеті жоқ. LG бұл туралы алдын ала қамқорлық жасады.

LG ThinQ AI

ThinQ UP Sleep Timer ұйқы таймерін және Energy Saving Mode энергия үнемдеу режимін қосып, уақыт өте келе жайлылықты арттыра түседі. ThinQ Care қалдық ылғалды анықтап, ауаның тазалығын сақтау үшін салқындатудан кейін автоматты кептіруді ұсынады. Сізге тек еркін тыныстау қалады.

AI бар LG теледидары

AI Voice ID кім сөйлеп тұрғанын таниды. AI Concierge көру әдеттеріңізді үйреніп, сізге лайық контент ұсынады. AI Picture және Sound Pro әрбір көріністегі кескін мен дыбысты автоматты түрде оңтайландырады. Сіз экран алдына жайғасасыз. Қалғанының бәрі дайын.

LG StanbyME 2 Max

Alpha 8 AI әрбір көріністің айқындығын автоматты түрде 4K деңгейіне дейін арттырады. Экранды тіреуіштен шешіп алыңыз, дөңгелектерімен жылжытыңыз және қалаған жеріңізге апарыңыз. Сымсыз жұмыс істеу уақыты — 4,5 сағатқа дейін. Кешіңізді шектеусіз өткізіңіз.

LG xboom AI

AI Sound дыбысты нақты уақыт режимінде оңтайландырады, AI Lighting жарықты ойнату тізіміңізге бейімдейді, ал AI Karaoke Master вокалды алып тастап, тональділікті реттеуге мүмкіндік беру арқылы кез келген әнді караокеге айналдырады. Дыбыс пен жарықтан бастап бірге ән айтуға дейін — LG xboom әрбір әуенді көңілді сәтке айналдырады.

LG Sound Suite AI

Sound Follow қозғалысыңызға қарай дыбысты оңтайландырады. Ал AI Sound Pro+ және AI Sound Pro дауыстар мен дыбыстарды анығырақ жеткізу үшін жасанды интеллект негізіндегі дыбыстық нысандарды бөлу технологиясын пайдаланады. H7 құрылғысынан M7 және M5 динамиктеріне дейін — LG Sound Suite әрбір тыңдау сәтінде теңгерімді дыбысталу мен толық ену әсерін қамтамасыз етеді.

LG gram AI

LG gram құрылғысындағы қосарлы AI жүйесі құрылғының өзінде және бұлтта жұмыс істейді. Ол назардан тыс қалған нәрсені байқауға көмектесіп, интернетпен де, интернетсіз де сұрақтарыңызға жауап береді. Көмекшіңіз әрдайым жұмысқа дайын. Ал сіз әрдайым істің барысынан хабардарсыз.

LG UltraGear AI

Жасанды интеллект мүмкіндіктерін бағалаңыз: 5K деңгейіне дейінгі AI Upscaling масштабтауы, AI Scene Optimization көріністерді оңтайландыруы және AI Sound дыбысы. Айқынырақ ойын графикасы, кескінді автоматты баптау және толық ену әсерін беретін дыбыс ойынның әрбір сәтін әсерлі ете түседі.