Press-reliz

LG ELECTRONICS CEO’SI QARORLARNI AMALGA OSHIRISHDA TEZKORLIK VA SAMARADORLIKKA URG‘U BERGAN HOLDA DAROMADLI O‘SISH STRATEGIYASINI BELGILADI

CEO Lyu Chje-chol (Lyu Jae-chul) raqobatbardosh ustunlikni yaratish uchun "mukammal ijro"ning muhimligini ta’kidladi

Asosiy qismlar haqida qisqacha:

● LG Electronics CEO’si Lyu Chje-chol (Lyu Jae-chul) asosiy raqobatbardoshlikni mustahkamlash, yuqori samarali biznes portfeliga o‘tishni tezlashtirish va daromadlilikka asoslangan o‘sish tuzilmasini kuchaytirish maqsadida uch yo‘nalishli strategiyani taqdim etdi

● LG Quality, Cost and Delivery (QCD) ko‘rsatkichlarini yaxshilash, shuningdek, raqobatchilardan texnologik ustunlikni kengaytirish uchun Winning Tech texnologiyalarini chuqurlashtirish orqali asosiy raqobatbardoshligini oshirishni rejalashtirmoqda

● Kompaniya B2B yo‘nalishlarini kengaytirish, obuna xizmatlari va webOS platformasini o‘z ichiga olgan qurilmasiz platformalarni rivojlantirish, shuningdek, global D2C biznesini o‘stirish orqali yuqori samarali biznes portfeliga o‘tishni tezlashtirishni maqsad qilgan

● LG, shuningdek, tezlik, samaradorlik va ijro sifatini oshirish uchun sun’iy intellekt yechimlarini qo‘llagan holda SI transformatsiyasi (AI Transformation, AX) yordamida daromadlilikka asoslangan o‘sish tuzilmasini mustahkamlaydi

● Joriy yilda LG AI Home, aqlli fabrikalar, SI ma’lumotlar markazlarini sovitish va robototexnikaga e’tibor qaratgan holda kelajakdagi o‘sish yo‘nalishlariga investitsiyalarni 40 foizdan ortiq ko‘paytirishni rejalashtirmoqda

LAS-VEGAS, 2026-yil 7-yanvar – LG Electronics (LG) CEO’si Lyu Chje-chol (Lyu Jae-chul) 7-yanvar kuni mahalliy vaqt bilan Las-Vegasda ommaviy axborot vositalari uchun press-brifing o‘tkazib, kompaniyaning boshqaruv ustuvorliklari va strategik yo‘nalishini belgilab berdi. U uch asosiy yo‘nalishga asoslangan strategiyani taqdim etdi: asosiy raqobatbardoshlikni mustahkamlash, yuqori samarali portfelga o‘tishni jadallashtirish va foyda keltiruvchi o‘sish modelini kuchaytirish.

Lyu Chje-chol (Lyu Jae-chul) kompaniya sanoat chegaralari, raqobat muhiti va texnologik jarayonlar ilgari hech qachon bo‘lmagan darajada tez o‘zgarayotgan sharoitda faoliyat yuritayotganini ta’kidladi.

"Sanoat va raqobat muhiti paradigmalari misli ko‘rilmagan tezlikda o‘zgarmoqda. Bozorning umumiy sur’atiga moslashishning o‘zi yetarli emas. Raqobatbardoshlikni saqlab qolish uchun raqobat ekotizimini aniq ko‘ra bilish, tezroq harakat qilish va strategiyalarni raqiblarimizga qaraganda samaraliroq amalga oshirish lozim."

Asosiy raqobatbardoshlik va texnologik yetakchilikni mustahkamlash

LG butun qiymat yaratish zanjiri bo‘ylab samaradorlik darajasini oshirish va raqobatchilar bilan texnologik farqni kengaytirish orqali asosiy raqobatbardoshligini kuchaytirmoqchi.

Ushbu yondashuv ikki yo‘nalishga asoslanadi:

● Quality, Cost and Delivery (QCD) ko‘rsatkichlarini takomillashtirish;

● Barqaror raqobat ustunligini shakllantiruvchi texnologiya va ilmiy-tadqiqot sohasidagi yetakchilik (Technology and R&D leadership).

Mahsulot sifatini tizimli ravishda oshirish, xarajatlar tuzilmasini optimallashtirish, dizaynni yaxshilash va qarorlarni bozorga chiqarish tezligini oshirish maqsadida LG kompaniyasi to‘g‘ridan-to‘g‘ri CEO’ga bo‘ysunadigan Innovation Drive Division bo‘limini tashkil etdi. Bu bo‘lim ishlab chiqarish, ishlab chiqarish, ta’minot zanjirlari va sotish jarayonlarini o‘zgartirish boshqaruv markazi vazifasini bajaradi. Bosh direktor Lyu Chje-chol (Lyu Jae-chul) har bir yo‘nalish bo‘yicha asosiy maqsadli ko‘rsatkichlar va taraqqiyotni shaxsan nazorat qiladi.

R&D (tadqiqot va ishlanmalar) sohasida LG resurslarni Winning Tech’ga – iste’molchi qiymati, biznes salohiyati va texnologik raqobatbardoshlik asosida tanlangan yechimlarga yo‘naltirishni davom ettiradi. Ushbu texnologiyalar bozorda yetakchilikni ta’minlash maqsadida chuqurlashtiriladi va kengaytiriladi. Sanoat o‘sishining uzoq muddatli harakatlantiruvchi kuchlari sifatida qaralayotgan segmentlarda kompaniya ishlab chiqish va tijoratlashtirish imkoniyatlarini kuchaytirish uchun dunyoning yetakchi kompaniyalari bilan hamkorlikni kengaytirishni rejalashtirmoqda.

Yuqori samarali biznes portfeliga o‘tishni tezlashtirish

LG o‘sish salohiyati yuqori, bozor sikllariga chidamli va rentabelligi yuqori bo‘lgan yo‘nalishlarga yo‘naltirilgan yuqori samarali portfelga o‘tishni tezlashtirmoqda.

Sifatli o‘sishning asosiy yo‘nalishlari quyidagilarni o‘z ichiga oladi:

● Avtomobilsozlik va HVAC uchun yechimlarni o‘z ichiga olgan B2B biznes;
● Mahsulot va xizmatlarning obuna modellari hamda webOS platformasini o‘z ichiga olgan noapparat yo‘nalishlar;
● Iste’molchilarga to‘g‘ridan-to‘g‘ri sotish kanallariga (D2C) e’tibor qaratilgan onlayn biznes.

Ushbu o‘tish allaqachon faol bosqichda. LG‘ning umumiy daromadidagi mazkur yo‘nalishlar ulushi 2021-yildagi taxminan 29 foizdan o‘tgan yilning ikkinchi yarmida 45 foizgacha ko‘tarildi. Xuddi shu davrda ularning operatsion foydaga qo‘shgan hissasi 21 foizdan 90 foiz atrofigacha oshdi. Kompaniya investitsiyalar, biznes modellaridagi innovatsiyalar va ijro intizomini kuchaytirish orqali bu jarayonni yanada tezlashtirishni rejalashtirmoqda.

Avtomobil sanoati uchun yechimlar yo‘nalishi eng yaxshi yillik ko‘rsatkichlarni namoyish etishi kutilmoqda. Bunga buyurtmalarning sezilarli hajmi hamda Software-Defined Vehicles (SDVs) va AI-Defined Vehicles (AIDVs) uchun komponentlarga bo‘lgan talabning o‘sishi sabab bo‘lmoqda.

HVAC yo‘nalishi AI Data Centers (AIDCs) sovitish yechimlari orqali kelajakdagi o‘sish uchun poydevor yaratmoqda. Aqlli fabrikalar biznesi bozorga kirgandan ikki yil o‘tib 500 milliard von miqdorida buyurtmalarni qayd etdi.

Noapparat yechimlar segmentida LG‘ning obuna modeli yillik daromadi 2 trillion vondan oshdi. WebOS platformasi ikki xonali o‘sish sur’atlarini ko‘rsatishda davom etmoqda, dunyo bo‘ylab webOS’ni qo‘llab-quvvatlaydigan qurilmalar soni 260 milliondan oshib ketdi. Onlayn D2C biznesi ham barqaror rivojlanishni namoyish etmoqda: mavsumiy kampaniyalar bilan kuchaytirilgan noyabr oyidagi sotuvlar o‘tgan yilning shu davriga nisbatan 40 foizdan ko‘proqqa oshdi.

AX yordamida foydaga yo‘naltirilgan o‘sish tuzilmasini mustahkamlash

LG butun tashkilot miqyosida tezlik, samaradorlik va ijro sifatini oshirish uchun SI transformatsiyasini (AI Transformation, AX) joriy etmoqda.

Raqamli transformatsiya (Digital Transformation, DX) alohida jarayonlarni takomillashtirish ustida ish olib borgan bo‘lsa, AX to‘liq integratsiyaga qaratilgan bo‘lib, ko‘proq avtonom, ma’lumotlarga asoslangan va tezkor qaror qabul qilishni ta’minlaydi. Kompaniya ikki-uch yil ichida umumiy samaradorlikni 30 foizga oshirishni maqsad qilgan. Bu xodimlarga yuqori qo‘shimcha qiymatga ega vazifalar, innovatsiyalar va kasbiy ekspertizaga e’tibor qaratish imkonini beradi.

Sun’iy intellekt allaqachon ishlab chiqarish, sotish, ta’minot zanjirini boshqarish, xarid qilish va marketingda qo‘llanilmoqda. Dastlab kundalik vazifalarni qo‘llab-quvvatlash uchun yaratilgan LG LGenie ichki chatboti LG AI Research tomonidan ishlab chiqilgan EXAONE fundamental modeli asosida korporativ SI agenti platformasiga rivojlanmoqda va Microsoft Azure AI Services, OpenAI ChatGPT hamda Google Gemini kabi tashqi generativ sun’iy intellekt yechimlari bilan integratsiyalashmoqda.

Kelajakdagi o‘sish uchun investitsiyalarni ko‘paytirish

Global noaniqlik saqlanib qolayotganiga qaramay, LG uzoq muddatli raqobatbardoshlikni mustahkamlash va resurslarni taqsimlashda qat’iy intizomni saqlab qolgan holda kelajakdagi o‘sishni tezlashtirish uchun investitsiyalarni ko‘paytirishni rejalashtirmoqda.

Rivojlanishga yo‘naltirilgan umumiy resurslar, jumladan kapital xarajatlar, dasturiy ta’minot va axborot texnologiyalari, patentlar, shuningdek qo‘shilish va qo‘shib olish bitimlarini o‘z ichiga olgan strategik investitsiyalar yillik hisobda 40 foizdan ko‘proqqa o‘sadi. Bu mablag‘larning bir qismi LG Electronics India kompaniyasining IPO (Initial Public Offering) natijasida olingan resurslar hisobidan ta’minlanadi.

Investitsiyalar LG o‘zining mavjud imkoniyatlaridan maksimal darajada foydalana oladigan yo‘nalishlarga, xususan AI Home, aqlli fabrikalar uchun yechimlar, SI ishtirokidagi ma’lumotlar markazlarini sovitish va robototexnikaga yo‘naltiriladi. Shu bilan bir qatorda, kompaniya imkoniyatlarni kengaytirish va yangi o‘sish manbalarini yaratish uchun strategik hamkorliklarni faol rivojlantirishni rejalashtirmoqda.

# # #

Press-reliz quyidagi havolada www.lg.com/global/newsroom/news/corporate//lg-electronics-ceo-sets-strategic-direction-for-profit-driven-growth-prioritizing-speed-and-action/

Fotosuratlar quyidagi havolada www.lg.com/global/newsroom/multimedia/images//lg-electronics-ceo-sets-strategic-direction-for-profit-driven-growth-prioritizing-speed-and-action/

LG Electronics, Inc. haqida

LG Electronics texnologiya va maishiy elektronika sohasida global innovatsion yetakchi bo‘lib, dunyoning deyarli barcha mamlakatlarida faoliyat yuritadi. Kompaniyaning xalqaro jamoasi 75 000 dan ortiq xodimni o‘z ichiga oladi. LG Electronics o‘z faoliyatini to‘rtta biznes yo‘nalishi orqali olib boradi: Home Appliance Solution, Media Entertainment Solution, Vehicle Solution va Eco Solution. Kompaniyaning 2024-yildagi umumiy global daromadi 88 trillion vondan oshib ketdi. Kompaniya televizorlar, maishiy texnika, iqlim yechimlari, monitorlar, avtomobil komponentlari va avtomobil sanoati uchun kompleks yechimlarni o‘z ichiga olgan iste’mol va tijorat mahsulotlarining yetakchi ishlab chiqaruvchisidir. LG SIGNATURE premium brendi va LG ThinQ intellektual brendi jahon bozorida keng tarqalgan va taniqli. LG kompaniyasi haqidagi so‘nggi yangiliklarni www.lg.com/global/newsroom saytida kuzatib borish mumkin.

OAV uchun aloqa ma’lumotlari:

Diana Appakova

LG Electronics Markaziy Osiyodagi matbuot xizmati

+7 701 707 9208

Diana.Appakova@pbnca.kz