Press-reliz

Yangiliklar qisqacha mazmuni:

   ● LG Electronics "SI amalda" yondashuvini uch strategik yo‘nalishga asoslanib taqdim etmoqda: qurilmalarning mukammalligi, muvofiqlashtirilgan ekotizim va uydan tashqarida SI yechimlarini rivojlantirish, jumladan sun’iy intellektli avtomobillar va sun’iy intellekt ma’lumotlar markazlari uchun yuqori samarali HVAC tizimlari.

   ● LG CLOiD™ sun’iy intellektli uy roboti jismoniy va ruhiy zo‘riqishni kamaytirish maqsadida yaratilgan atrof-muhitga g‘amxo‘rlik qiluvchi qurilma sifatida taqdim etildi.

    ● Asosiy mahsulotlar qatorida Hyper Radiant Color Technology va True Wireless texnologiyalariga ega LG OLED evo W6 Wallpaper TV ultra ingichka televizori, shuningdek, og‘zaki nutqni tushunadigan takomillashtirilgan LG SIGNATURE sovitkichi namoyish etildi.

LAS-VEGAS, 2026-yil 5-yanvar – LG Electronics (LG) kompaniyasi Las-Vegasdagi ko‘rgazma oldidan har yili o‘tkaziladigan LG World Premiere tadbirida "SI amalda" yondashuvini taqdim etmoqda. Kompaniya o‘z strategiyasining uch asosiy tamoyilini ajratib ko‘rsatadi: harakatga yo‘naltirilgan SI’ga aylangan hissiy intellekt, sohada yetakchi bo‘lgan ilg‘or texnologiyalarga asoslangan mahsulotlar hamda uydan tashqariga chiqib, avtomobillar va tijorat binolarini qamrab oladigan uyg‘un ekotizim. Bularning barchasi mijozlar uchun kundalik hayotda sezilarli qiymat yaratishga qaratilgan.

"Innovatsiyalar siz bilan hamohang" shiori ostida o‘tkazilgan tadbirda 1000 ga yaqin mehmon, jumladan, jahon OAV vakillari, soha mutaxassislari va hamkorlar ishtirok etdi. Undan ham ko‘proq odam butun dunyo bo‘ylab jonli efir orqali tadbirga qo‘shildi.

CES ko‘rgazmasi arafasida har yili o‘tkaziladigan an’anaviy LG World Premiere LG uchun platforma vazifasini o‘taydi. Unda kompaniya o‘zining so‘nggi innovatsiyalari va uzoq muddatli rivojlanish yo‘nalishlarini namoyish etadi. Bugungi tadbir LG kompaniyasining iste’molchiga yo‘naltirilgan va haqiqatan ham hayotni yaxshilaydigan innovatsiyalarga sodiqligini yana bir bor tasdiqladi.

"G‘amxo‘r intellekt"dan "SI amalda"gacha

LG Electronics ikki yil oldin ilk bor e’lon qilingan "g‘amxo‘r intellekt" konsepsiyasining navbatdagi bobini taqdim etdi. Bu yilgi World Premiere’da kompaniya o‘zining SI imkoniyatlarini amalda qanday ro‘yobga chiqarayotganini namoyish etdi – bu SI oddiy muloqot doirasidan chiqib, qurilmalar, makonlar va xizmatlar ishini faol muvofiqlashtiradi, kundalik hayotni yanada qulay, samarali va intuitiv qiladi.

LG "SI amalda" yordamida mijozlar uchun haqiqiy qiymat yaratmoqda

Tadbirni bosh direktor Lyu Chje-chol (Lyu Jae-cheol) ochib berdi va "Agar SI ekrandan tashqariga chiqib, real hayotda biz uchun ishlay boshlasa-chi?" degan savol bilan sahnaga chiqdi. U LG Electronics kompaniyasining "SI amalda" konsepsiyasiga yondashuvi uchta asosiy tamoyilga asoslanganini tushuntirdi:




    ● asosiy texnologiyalarga asoslangan qurilmalarning ustunligi;
    ● mukammal ulangan ekotizim;
    ● uydan tashqarida SI yechimlarini rivojlantirish.

Bu strategiya "Tashvishsiz uy" konsepsiyasida mujassamlashgan – bu shunday kelajakki, unda aqlli qurilmalar yordamchiga aylanib, mijoz nomidan kundalik vazifalarni boshqaradigan yagona SI tizimi sifatida ishlaydi. Maqsad mijozlarga ularning eng qimmatli resursi bo‘lgan vaqtni qaytarishdir.

Ushbu g‘oyaning jismoniy ifodasi sifatida LG CLOiD – "uy yordamchisi" taqdim etildi. U besh barmoqli ikki qo‘l yordamida vazifalarni bajarish, uy sharoitini o‘rganish va uni doimiy ravishda takomillashtirish qobiliyatiga ega. Turar-joy binolari uchun mo‘ljallangan LG CLOiD tizimi xavfsizlikka yo‘naltirilgan dizayni va mobillik uchun moslashtirilgan shakli bilan ajralib turadi. Bu tizim hatto bola yoki uy hayvoni to‘satdan unga tegib ketganda ham barqaror va aniq ishlashni, shuningdek, butun uy bo‘ylab silliq va nazorat ostida harakatlanishni ta’minlaydi.

moslashtirilgan shakli bilan ajralib turadi. Bu tizim hatto bola yoki uy hayvoni to‘satdan unga tegib ketganda ham barqaror va aniq ishlashni, shuningdek, butun uy bo‘ylab silliq va nazorat ostida harakatlanishni ta’minlaydi.

"Maishiy texnika sohasida jahon yetakchisi sifatida, mijozlarning turmush tarzini chuqur tushunishimiz bizga katta ustunlik beradi," dedi bosh direktor (Lyu Jae-cheol). U "turli yechimlar, jumladan, robotlar yordamida kelajakdagi uy hayotining yangi me’yorini o‘rnatish" istagini bildirdi.

Shuningdek, u mijozlarning SI tajribasi "uy doirasida cheklanib qolmasdan, balki avtomobillar, ofislar va tijorat maydonlari kabi turli joylarga yoyilib, ular hayotining ajralmas qismiga aylanishini" kutayotganini qo‘shimcha qildi.

Ajoyib innovatsiyalarga asoslangan qurilmalar ustunligi

LG Electronics, shuningdek, yangi avlod OLED-televizorlari va samaradorlik hamda foydalanish qulayligini oshirish uchun ilg‘or SI’dan foydalanadigan LG SIGNATURE turkumi kabi sohaning ilg‘or texnologik innovatsiyalarini namoyish etib, keng ko‘lamli asosiy mahsulotlarni taqdim etdi.



1. LG OLED evo W6 Wallpaper TV

    ● Taxminan 9 mm qalinlikdagi o‘ta ingichka dizayn: asosiy komponentlarni sinchkovlik bilan kichraytirish va ichki tuzilmani to‘liq qayta ishlash orqali erishilgan muhandislik yutug‘i bo‘lib, bu Wallpaper’ning nafis dizaynini yaratish imkonini berdi.

    ● Hyper Radiant Color texnologiyasi: qora rangning mukammal chuqurligini, rang uzatish aniqligini va yorqinlik darajasini yaxshilaydi, shu bilan birga aks ettirishni kamaytiradi, yangi avlod OLED televizorlarining yuqori sifatli tasvirini ta’minlaydi.

    ● True Wireless texnologiyasi: Wallpaper televizorini eng ingichka simsiz OLED televizorga aylantirib, rekord darajadagi ingichkalikka erishishga imkon beradi.

2. LG SIGNATURE sovitkichi

    ● Suhbatlashuv sun’iy intellekti (Conversational AI): tabiiy suhbat nutqini tushunadi va shaxsiy tavsiyalar beradi. Masalan, agar foydalanuvchi "Salom, LG, go‘shtni bir hafta davomida qanday saqlash kerak?" deb so‘rasa, SI optimal rejimni taklif qiladi va avtomatik ravishda o‘rnatadi.

    ● Masalliqlarni aniqlash: sovitkich ichidagi mahsulotlar asosida shaxsiylashtirilgan retseptlarni tavsiya qilish imkonini beradi.

3. LG SIGNATURE pechi

    ● Gourmet AI: masalliqlarni aniqlaydi va 80 dan ortiq puxta tanlangan retseptlar orasidan taklif etadi, bu esa kundalik ovqat tayyorlashni bosqichma-bosqich yo‘riqnoma bilan intuitiv jarayonga aylantiradi.

LG CLOiD: "Tashvishsiz uy" konsepsiyasida "SI amalda"

LG Electronics kundalik hayotdan olingan qisqa lavha yordamida o‘zining "SI amalda" yondashuvining amalda qanday ishlashini namoyish etdi:

1. Kontekstli xabardorlik va faol tavsiyalar: Uyga qaytayotganda, foydalanuvchi ThinQ^TM ilovasi orqali "Tez orada uyda bo‘laman" deydi. Foydalanuvchining odatdagi yugurish dasturi va yomg‘ir bashoratiga asoslanib, LG CLOiD muqobil rejani taklif etadi: "Yugurish o‘rniga uyda mashq qilishni ma’qul ko‘rmaysizmi?"

2. Vazifalarni muvofiqlashtirgan holda bajarish: Foydalanuvchi kelishidan oldin LG CLOiD konditsionerni sozlaydi va quritgichdan sport kiyimlarini olib qo‘yadi.

3. Kundalik ishlarda ko‘maklashish: LG CLOiD kirlarni taxlaydi, idish-tovoqlarni joylashtiradi va ustuvorliklarni boshqaradi, bu esa ham jismoniy, ham ruhiy zo‘riqishni kamaytiradi.

LG kompaniyasi uy robotining "Tashvishsiz uy" g‘oyasi doirasida kundalik hayotni qo‘llab-quvvatlaydigan yordamchiga aylanishini bashorat qilmoqda.

SI’ga asoslangan yechimlarni uydan tashqarida – transport va tijorat sohalariga kengaytirish

LG Electronics, shuningdek, "g‘amxo‘r intellekt" tushunchasining uy doirasidan chiqib, to‘liq bog‘langan ekotizimni yaratish maqsadida transport, ofislar va tijorat obyektlarida sezilarli o‘zgarishlarga olib kelishi haqida ma’lumot berdi.

    ● LG‘ning transport vositalari uchun SI yechimlari: Foydalanuvchi tajribasi me’mori sifatida LG avtomobillarni o‘zining mahalliy ko‘p modalli generativ SI platformasi yordamida aqlli, shaxsiylashtirilgan makonga aylantirmoqda. Bunga nigoh kuzatish tizimlari, uy va transport vositalari uchun uzluksiz ko‘ngilochar tizimlar, shuningdek, moslashuvchan displeylar kiradi. Bularning barchasi maishiy elektronika sohasida to‘plangan SI tajribasidan foydalanib, o‘z yo‘lovchilarini chindan ham tushunadigan transport vositalarini yaratishga qaratilgan.

    ● SI davri uchun HVAC: LG‘ning HVAC yechimlari SI tufayli yanada takomillashmoqda. Kompaniya SI ma’lumotlar markazlari uchun yuqori samarali sovitish bo‘yicha o‘z mavqeini mustahkamlamoqda. Bu Yaqin Sharqdagi B2G loyihalarini, shuningdek, GRC (immersion sovitish) va Flex (ma’lumotlar markazlari infratuzilmasi) kabi kompaniyalar bilan hamkorlikni o‘z ichiga oladi.

LG CLOiD tadbir yakunida LG Life’s Good brendining va’dasini aks ettirdi:

"Biz bugun muhokama qilgan kelajak – bu texnologiyalar insonlarga muhim ishlarda sezdirmay yordam beradigan kelajakdir. LG‘ning sun’iy intellektga yondashuvini qo‘llash orqali kundalik hayot yaxshiroq, mazmunliroq va insoniyroq bo‘lib bormoqda."