Press-reliz

LAS-VEGAS, 2026-yil 4-yanvar – CES® 2026 ko‘rgazmasida LG Electronics (LG) o‘zining yangi OLED televizorlar liniyasini taqdim etdi, unda flagman sifatida to‘liq simsiz Wallpaper TV bo‘lgan afsonaviy LG OLED evo W6 modeli yana qaytdi.W6 modeli 2017-yilda ilk bor taqdim etilgan Wallpaper Design uslubini qayta jonlantiradi, uni True Wireless texnologiyasi va LG‘ning hozirgi kundagi tasvir sohasidagi eng ilg‘or ishlanmasi – Hyper Radiant Color bilan uyg‘unlashtiradi. OLED segmentida 13 yillik uzluksiz yetakchiligini nishonlayotgan LG, 2026-yilgi OLED evo turkumida ushbu texnologiyani joriy etish orqali yangi avlod displeylarining sifat mezonini yana bir bor belgilamoqda.

O‘ta ingichka formatdagi innovatsiyalar: Wallpaper OLED-True Wireless texnologiyali televizor

2026-yil turkumida LG OLED evo W6 yetakchilik qilmoqda - bu televizor fazoga singib ketgandek, faqat tomosha qilish taassurotini qoldiradi. Taxminan 9 mm qalinlikdagi korpus asosiy qismlarni puxta kichraytirish va ichki tuzilishni to‘liq qayta ishlash tufayli yaratildi. O‘ta ingichka va yengil dizayniga qaramay, qurilma o‘z mustahkamligi va ishonchliligini saqlab qolgan. Yangilangan devorga o‘rnatish tizimi televizorning butun yuzasi bo‘ylab devorga zich yopishishini ta’minlaydi, bu esa Wallpaper Design g‘oyasini to‘liq ro‘yobga chiqaradi.

LG kompaniyasining True Wireless^[i] texnologiyasi foydalanuvchilarga televizorni xonaning deyarli istalgan joyiga o‘rnatish imkoniyatini beradi. Barcha ulagichlar alohida Zero Connect Box blokiga joylashtirilgan bo‘lib, uni 10 metrgacha masofada o‘rnatish mumkin. Bu esa televizorning minimal ko‘rinishini va ekranning o‘ta ingichkaligini ta’minlaydi.

Wallpaper TV 4K formatidagi video va ovozni vizual jihatdan benuqson uzatishni ta’minlaydigan nafis dizayn va ilg‘or simsiz texnologiyalarni o‘zida mujassam etgan holda, dunyodagi eng ingichka to‘liq simsiz OLED televizoriga aylandi. U LG flagman texnologiyalarining butun ifodaviyligini saqlab qolgan holda, o‘ta ingichka shakl tasvir sifatida murosaga kelishni talab qilmasligini yaqqol ko‘rsatadi.

Hyper Radiant Color texnologiyasi: OLED yorqinligining yangi davri

Hyper Radiant Color^[ii] texnologiyasi bilan LG yangi avlod OLED-displeylarining yangi standartini o‘rnatmoqda. Bu texnologiya qora rang darajasini, rang uzatishni va yorqinlikni maksimal darajaga oshirish bilan birga, aks ettirishni kamaytiradi.

Brightness Booster Ultra Wallpaper TV tufayli, ushbu televizor an’anaviy OLED panellarga nisbatan 3,9 barobar yuqori^[iii] yorqinlik darajasiga erishib, LG tarixidagi eng yorqin OLED televizoriga aylandi. Har qanday yoritish sharoitida tasvir tiniqligini saqlash uchun, barcha LG televizorlari orasida eng past aks ettirish darajasiga ega ekran qo‘llaniladi. Bu Intertek^[iv] kompaniyasining sohadagi birinchi Reflection Free Premium sertifikati bilan tasdiqlangan. Shu tufayli, hatto yorqin yoritilgan xonalarda ham, UL Solutions tomonidan tasdiqlangan LG OLED displeylarining o‘ziga xos xususiyatlari - Perfect Black^[v] va Perfect Color^[vi]dan chalg‘ituvchi yaltirashsiz bahramand bo‘lish imkoni yaratiladi.

Tasvirga ishlov berish yangi α (Alpha) 11 AI Processor Gen3 protsessori tomonidan ta’minlanadi. Uning Neural Processing Unit (NPU) hisoblash quvvati 5,6 barobar^[vii] oshirilgan. Unumdorlikning bu darajada o‘sishi yangi Dual AI Engine ishlashini ta’minlaydi. An’anaviy yechimlardan farqli o‘laroq, bu yerda shovqinni kamaytirish tabiiy teksturaning yo‘qolishiga olib kelmaydi. Aksincha, Dual AI Engine ikkala vazifani bir vaqtning o‘zida bajarish uchun parallel algoritmlarni qo‘llaydi, natijada ortiqcha keskinliksiz tabiiy tafsilotlar saqlab qolinadi.

LG Gallery+: shaxsiylashtirilgan interyerlar uchun universal platforma

LG Gallery+ Wallpaper TV g‘oyasini to‘ldiradi, interyerga alohida e’tibor qaratadigan foydalanuvchilarga yashash joyini o‘z uslubi va didlariga moslashtirishga imkon beradi. Servis ekranni xona muhitini yaratuvchi interyerning ko‘p qirrali elementiga aylantiradi, kinematografik sahnalardan tortib o‘yin grafikasigacha bo‘lgan 4500 dan ortiq vizual materiallarni, shuningdek, foydalanuvchilarning shaxsiy fotosuratlar to‘plamlarini va generativ sun’iy intellekt (SI) yordamida yaratilgan tasvirlarni taqdim etadi. Kayfiyatga mos fon musiqasi bilan boyitilgan LG Gallery+ platformasi televizorni oddiy tomosha qilish chegarasidan chiqarib, uni o‘zini ifoda etish va interyer dizaynining harakatchan vositasiga aylantiradi. Ushbu servis Wallpaper TV ni ham o‘z ichiga olgan barcha LG televizorlari turkumida mavjud.

Kengaytirilgan geyming imkoniyatlari

LG yuqori samarali o‘yinlarga mo‘ljallangan funksiyalarni taklif etish orqali o‘yin televizorlari sohasidagi yetakchiligini saqlab qolmoqda. Wallpaper TV, 2026-yilgi OLED evo modellari qatorida^[viii], 165 Hz yangilanish chastotasiga ega 4K aniqlikni, shuningdek tasvir uzilishlarisiz o‘ta silliq o‘yin jarayonini ta’minlaydigan NVIDIA G-SYNC® Compatible va AMD FreeSync Premium texnologiyalarini qo‘llab-quvvatlaydi. Piksellarning 0,1 ms javob berish vaqti va Auto Low Latency Mode (ALLM) rejimi tufayli displeylar o‘yinchilar talab qiladigan zudlik bilan javob qaytarish imkoniyatini beradi.

Multi‐AI va kuchaytirilgan LG Shield himoyasi bilan shaxsiylashtirilgan TV tajribasi

LG‘ning televizorlarga bo‘lgan yondashuvi mukofotga sazovor bo‘lgan webOS platformasi yordamida chuqur shaxsiylashtirish g‘oyasiga asoslangan. Bu yil Voice ID funksiyasi tufayli foydalanuvchilar shaxsiylashtirilgan "My Page" bosh ekraniga ega bo‘lishdi. Atigi bitta ovozli buyruq bilan televizor ekran oldida kim turganini aniqlab, suhbatdoshning profiliga mos ravishda interfeysni darhol o‘zgartiradi. Bu jarayonda individual vidjetlar va ilovalar ham hisobga olinadi. Hatto televizorni ilgari oilaning boshqa a’zosi tomosha qilgan bo‘lsa ham, kontent joriy foydalanuvchi uchun aktual bo‘lishini ta’minlaydi.

Foydalanuvchi tajribasi Google Gemini va Microsoft Copilot’ni o‘z ichiga olgan Multi‐AI imkoniyatlari bilan yanada kengaytiriladi. Bu ovozli savollar berish va shaxsiylashtirilgan javoblar olish imkonini beradi. Yangilangan AI Concierge kontent haqidagi ma’lumotlarni oson olishda yordam berib, tomosha qilishni yanada qulaylashtiradi. Ovozli boshqaruv yoki Magic Remote pulti yordamida foydalanuvchilar yangi "In This Scene" funksiyasidan foydalanib, aktyorlar va tegishli kontent haqida ma’lumot olishlari, shuningdek, SI yordamida tasvirlar yaratishlari mumkin. Ushbu butun ekotizim CES 2026 Innovation Award mukofoti sovrindori bo‘lgan LG Shield tomonidan himoyalanadi. U zamonaviy shifrlash va boshqa himoya usullaridan foydalangan holda ma’lumotlar xavfsizligini ta’minlaydi. Bu esa foydalanuvchilarga to‘liq ishonch bilan shaxsiylashtirilgan tajribadan bahramand bo‘lish imkonini beradi.

"Wallpaper TV bizning True Wireless texnologiyasidagi yetakchiligimiz, qurilma shakllaridagi innovatsiyalarimiz va OLED bilan 13 yillik tajribamizning uyg‘un birikmasini aks ettiradi," - deb ta’kidladi LG Media Entertainment Solution Company bo‘limi prezidenti Pak Hyon-sey (Park Hyoung-sei). "LG OLED televizorlari uchun yuqori mezonlarni o‘rnatishda davom etmoqda va kelajak standartlarini belgilamoqda."

CES 2026 ko‘rgazmasi tashrif buyuruvchilari 6-yanvardan 9-yanvargacha LG Electronics stendida (#15004, Las Vegas Convention Center) yangi Wallpaper TV va butun OLED evo turkumini ko‘rishlari mumkin bo‘ladi.

[i] To‘liq simsiz OLED televizori - Zero Connect bloki va ekran o‘rtasidagi simsiz aloqadan iborat. Tasvirni uzatish ISO/IEC 29170-2 standartiga muvofiq o‘tkazilgan ichki sinovlar natijalariga ko‘ra, vizual sifat yo‘qotishlarisiz amalga oshiriladi. Ammo haqiqiy ko‘rsatkichlar aloqa holatiga qarab o‘zgarishi mumkin.

[ii] W6 va G6 seriyali modellarga (97 dyuymli modellar bundan mustasno), shuningdek, C6 seriyasining faqat 88 va 77 dyuymli modellariga tatbiq etiladi.

[iii] Yorqinlik darajasi model, ekran o‘lchami va sotilayotgan mintaqaga qarab farqlanishi mumkin. Ichki sinovlarga ko‘ra, eng yuqori yorqinlik an’anaviy OLED displeylariga nisbatan 3 foizlik oynada o‘lchanganda 3,9 martagacha yuqori ko‘rsatkichlarga erishadi.

[iv] LG OLED-displeylar Intertek kompaniyasi tomonidan IDMS 11.2.2 o‘lchov usuli bo‘yicha sferik namuna olish yordamida aks ettirishsiz (Reflection Free) ekranlar sifatida sertifikatlangan. Bu W6 va G6 seriyalariga tegishli (97 va 48 dyuymli modellar bundan mustasno).

[v] LG OLED-displeylar UL tomonidan sertifikatlangan bo‘lib, ular IDMS standartining 11.5-bo‘limida tavsiflangan halqasimon yorug‘lik manbai bilan aks ettirishni o‘lchash usuliga ko‘ra 500 lyuksgacha yoritilganlik sharoitida qora rang darajasini ≤ 0,24 nit ekanligini tasdiqlamoqda.

[vi] LG‘ning OLED-displeylariga UL tomonidan sertifikat berilgan bo‘lib, ular IDMS standartining 11.5-bo‘limida tavsiflangan halqasimon yorug‘lik manbai yordamida aks ettirishni o‘lchash uslubiga ko‘ra, 500 lyuksgacha yoritilganlik sharoitida 99% dan yuqori rang muvofiqlik darajasini ta’minlaydi.

[vii] O‘tgan yilgi α9 AI Processor Gen8 bilan jihozlangan OLED evo modellariga nisbatan.

[viii] G6 seriyasining 97 dyuymli modellari bundan mustasno.