Press-reliz

Qisqacha mazmuni

• LG Electronics rasman NVIDIA Partner Network (NPN) hamkorlik tarmog'iga ma'lumotlar markazlarini elektr ta'minoti va sovutish yechimlari bo'yicha imtiyozli hamkor maqomida qo'shildi.
• LG'ning ma'lumotlar markazlari uchun yechimlari keyingi avlod AI-fabrikalarining elektr ta'minoti va issiqlik yuklamalarini boshqarish talablariga javob beruvchi infratuzilma yaratishga yordam beradi.

LG Electronics (LG) ma'lumotlar markazlarini elektr ta'minoti va sovutish yechimlari bo'yicha imtiyozli hamkor maqomida NVIDIA Partner Network (NPN) hamkorlik tarmog'iga qo'shildi va shu bilan sun'iy intellektning yuqori hisoblash yuklamalariga mo'ljallangan ma'lumotlar markazlarida issiqlik yuklamalarini boshqarish sohasidagi mavqeini mustahkamladi.

Sun'iy intellekt uchun ma'lumotlar markazlarida issiqlik yuklamasi ortib borishi bilan sovutish samaradorligiga talablar ham kuchayadi. Bunga javoban LG yuqori samarali suyuqlik bilan sovutish yechimlari portfelini kengaytirmoqda. LG'ning ma'lumotlar markazlari uchun yechimlari obyektlarni loyihalashning dastlabki bosqichlarida integratsiya qilishga mo'ljallangan: bu sovutish tizimlari va yordamchi infratuzilma parametrlarini oldindan aniqlash imkonini beradi. Bunday yondashuv keyingi avlod AI-fabrikalarining elektr ta'minoti va issiqlik yuklamalarini boshqarish talablariga javob beruvchi infratuzilma yaratishga yordam beradi.

LG'ning quvvati 2,6 MVt bo'lgan sovutuvchi suyuqlikni taqsimlash blogi (CDU) yaqinda NVIDIA DSX Ready CDU maqomiga ega bo'ldi. Hozirgi kunda DSX Ready CDU hamkor qurilmalari orasida ushbu model eng yuqori sovutish quvvatiga ega¹. LG shuningdek, quvvati 600 kVt va 1 MVt bo'lgan modellar uchun infratuzilma malakasini yakunlab, sovutish samaradorligi, nosozlik yuzaga kelganda zaxira tizimga o'tish imkoniyatlari va ishonchlilikka oid qat'iy texnik mezonlarga muvofiqligini tasdiqladi. NVIDIA'dan olingan malaka sertifikatlari kompaniyaning sun'iy intellekt uchun yuqori zichlikdagi infratuzilmaning turli darajalarida suyuqlik bilan sovutish sohasidagi kompetensiyalarini tasdiqlaydi va uning global giperskeylerlar uchun yechimlarining yuqori samaradorligi va ishonchliligini namoyish etadi.

LG kompaniyasining CDU bloklari sun'iy intellekt infratuzilmasining katta issiqlik yuklamalarini hisobga olgan holda ishlab chiqilgan. Ularda sovutuvchi suyuqlikni to'g'ridan-to'g'ri chiplarga yetkazib beruvchi (direct-to-chip, DTC) suyuqlik bilan sovutish qo'llaniladi: suyuqlik bevosita markaziy va grafik protsessorlarga, shuningdek issiqlik chiqaruvchi boshqa komponentlarga yetib boradi. Mavjud havo bilan sovutish infratuzilmasi bilan birgalikda ishlab, bu bloklar yuqori samarali gibrid sovutish tizimini hosil qiladi. Sun'iy intellekt infratuzilmasi uchun NVIDIA malakasidan o'tgan LG CDU bloklari 29–30 sentyabr kunlari Singapurdagi Marina Bay Sands majmuasida bo'lib o'tadigan Data Centre World Asia 2026 (DCWA 2026) ko'rgazmasida namoyish etiladi.

Joriy yil oxirigacha LG quvvati 4,0 MVt bo'lgan CDU modeli uchun NVIDIA malakasidan o'tishni rejalashtirmoqda, bu esa keyingi avlod sun'iy intellekt ma'lumotlar markazlari uchun suyuqlik bilan sovutish yechimlari kengayib borayotgan portfelining sifatini tasdiqlashda davom etadi.

«Ma'lumotlar markazlarini elektr ta'minoti va sovutish yechimlari bo'yicha imtiyozli hamkor maqomida NVIDIA Partner Network hamkorlik tarmog'iga qo'shilish global sun'iy intellekt ekotizimini rivojlantirishni qo'llab-quvvatlash strategiyasini amalga oshirishda muhim qadamdir, — dedi LG ES bo'linmasi prezidenti Jeyms Li. — NVIDIA bilan birgalikda LG sohaning issiqlik yuklamalarini boshqarish borasidagi eng dolzarb muammolariga javob beruvchi eng yangi sovutish yechimlarini taklif etib, sun'iy intellekt ma'lumotlar markazlarining kelajagini shakllantirishga yordam beradi».

¹ NVIDIA Marketplace platformasida ko'rsatilgan vaqt bo'yicha.

# # #

LG Eco Solution kompaniyasi haqida

LG Eco Solution (ES) kompaniyasi turli tarmoqlar va iqlim sharoitlari uchun chiller tizimlarini o'z ichiga olgan havoni konditsionerlash sohasida ilg'or yechimlarni taklif etadi. HVAC-yechimlarining yuqori samaradorligini ta'minlashga intilib, kompaniya xonalarda qulay va sog'lom muhit yaratish uchun innovatsion texnologiyalarni ishlab chiqadi. Chuqur tarmoq tajribasiga tayangan holda, LG Eco Solution hayot sifatini oshirishga yordam beruvchi HVAC sohasidagi raqamli yechimlarni taklif etadi. Ishonchli hamkor sifatida kompaniya ilg'or texnologiyalarni mijozlarning kundalik biznes-jarayonlariga integratsiya qiladi va hamkorlikning barcha bosqichlarida ularga har tomonlama qo'llab-quvvatlash ko'rsatadi.

Qo'shimcha ma'lumot olish uchun quyidagi saytga tashrif buyuring: https://www.lg.com/global/business/hvac.

Ommaviy axborot vositalari uchun aloqa:

Болдырева Елизавета Викторовна                          

+7 771 411 30 22

e.boldyreva@tagmedia.kz