Press-reliz

LG Electronics kompaniyasi CES 2026 ko‘rgazmasida yil yo‘nalishini g‘amxo‘r intellekt tushunchasidan "Sun’iy intellekt amalda" (Sun’iy intellekt – SI) yondashuviga o‘tish sifatida belgiladi. Endi qurilmalar shunchaki buyruqlarni kutib turmaydi, balki foydalanuvchining xohish-istaklarini oldindan payqab, turmushni haqiqatan ham oson va uzluksiz qilish uchun bir-biri bilan uyg‘un tarzda hamkorlik qiladi. Kompaniya ushbu strategiyani "Siz bilan uyg‘unlikdagi innovatsiyalar" shiori ostida o‘tkazilgan LG World Premiere keng ko‘lamli tadbirida taqdim etdi. Tadbir zaldagi minglab mehmonlarni va ko‘p millionli onlayn auditoriyani birlashtirdi, bu esa LG kompaniyasining inson uchun qadriyat va qulaylik asosiy ustuvorlik bo‘lib qoladigan texnologiyalarni yaratishga bo‘lgan intilishini yana bir bor tasdiqladi.

SI zamonaviy ekotizim markazi sifatida

Bugungi kunda LG strategiyasi "uch ustuvor yo‘nalish"ga asoslanadi: har bir qurilmaning mukammalligi, ularning yagona tarmoqqa uzluksiz integratsiyasi va uydan tashqarida SIni rivojlantirish. Shunday qilib, "Tashvishsiz uy" tushunchasi shakllanmoqda, unda texnika kundalik vazifalarni o‘z zimmasiga oladi va odamlarga eng qimmatli resurs – vaqtni qaytaradi. LG mijozlarning SI tajribasi uy chegarasidan chiqib, turli muhitlarga – avtomobillar, ofislar va tijorat zonalariga tarqalishini va kundalik hayotning ajralmas qismiga aylanishini kutmoqda.

SI alohida gadjetning funksiyasi bo‘libgina qolmay, ko‘rinmas yordamchiga aylanib, insonni hamma joyda kuzatib boradi va uning hayotining tabiiy qismiga aylanadi.

LG CLOiD: yangi avlod yordamchisi

Eng ko‘p muhokama qilingan e’lonlardan biri LG CLOiD™ roboti bo‘lib, u SI kundalik turmushimizdagi jismoniy ifodasi hisoblanadi. U ThinQ texnologiyasida ishlaydi, kir yuvishni boshlaydi, kiyimlarni taxlaydi, nonushta tayyorlaydi va uydagi iqlimni sozlaydi. Besh barmoqli ikkita robot qo‘l va avtonom navigatsiya tizimi tufayli CLOiD uyda xavfsiz harakatlanadi hamda oila a’zolarining odatlariga moslashib, jismoniy va aqliy yukni kamaytiradi.

Namoyish ssenariylarida robot uy egalarining qaytishiga oldindan tayyorgarlik ko‘radi, ob-havoni hisobga olgan holda muqobil mashg‘ulot rejalarini taklif etadi va yagona intellektual tizim g‘oyasini ro‘yobga chiqarib, kundalik vazifalarni boshqarishda yordam beradi.



LG Sound Suite: yangi ovoz darajasi

LG Sound Suite uyda hordiq chiqarishda moslashuvchanlik yo‘nalishini belgilaydi. Tizimning asosini Dolby Atmos FlexConnect™ tomonidan qo‘llab-quvvatlanadigan H7 saundbari tashkil etadi, u xonaning joylashuviga avtomatik ravishda moslashadi. Simsiz kolonkalar va sabvuferlarni o‘nlab variantlarda birlashtirish mumkin – ixcham to‘plamdan tortib to‘liq 13.1.7 kanalli kinoteatrgacha, har qanday uyni shaxsiy kinozalga aylantirish imkonini beradi.

Ultra ingichka formatdagi innovatsiyalar

LG ko‘rgazmada simsiz ulanish va Hyper Radiant Color texnologiyasiga ega OLED evo W6 Wallpaper TV’ni namoyish etdi. Uning minimalistik dizayni yuqori yorqinlik, aniq rang uzatish va yangi avlod tasvirini o‘zida mujassam etgan. Asosiy komponentlarning juda kichraytirilishi va butunlay qayta ishlab chiqilgan ichki arxitektura tufayli taxminan 9 mm qalinlikdagi korpus yaratildi. Nafis estetika va 4K formatidagi video hamda ovozni mukammal uzatishni ta’minlovchi ilg‘or simsiz texnologiyalarni o‘zida birlashtirgan Wallpaper TV, dunyodagi eng ingichka to‘liq simsiz OLED televizori sifatida taqdim etilmoqda.

 LG SIGNATURE’ning takomillashtirilgan sovitkichi va duxovka shkafi

LG SIGNATURE liniyasi suhbatdosh SI-ga e’tibor qaratmoqda: sovitkich mahsulotlarni tanib, ularni saqlash usullari va taom retseptlarini tavsiya qiladi, Gourmet AI duxovka shkafi esa taom tayyorlashning optimal rejimlarini taklif etadi. Texnika shunchaki vosita bo‘lishdan to‘xtab, oshxonada to‘laqonli hamrohga aylanmoqda.

SI bilan qo‘llab-quvvatlanadigan o‘yinlar va musiqa

Geymerlar e’tiborini 5K AI Upscaling texnologiyasiga ega yangi UltraGear evo™ seriyasi tortdi. Bu texnologiya videokartani yangilamasdan tasvir aniqligini oshiradi hamda real vaqt rejimida tasvir va ovozni optimallashtiradi.

LG va will.i.am yangi Stage 301 hamda mashhur Bounce va Grab rusumlarini o‘z ichiga olgan kengaytirilgan xboom liniyasini taqdim etdi. Bular shaxsiylashtirilgan ovoz, intellektual yoritish effektlari va SI-ga asoslangan karaoke rejimlariga ega ko‘chma kolonkalardir. FYI.RAiDiO platformasi endi qurilmalar ekotizimiga chuqur singdirilgan bo‘lib, foydalanuvchilarga ikki tomonlama muloqot shaklida o‘nta SI funksiyalari va DJ’lar bilan o‘zaro aloqa qilish imkonini beradi.

Kelajak uydan tashqariga chiqmoqda

LG SI yondashuvining avtomobillar va infratuzilmaga qanday tatbiq etilishini namoyish etdi. Transport vositalari uchun aqlli multimedia tizimlari, moslashuvchan displeylar va ma’lumotlar markazlari uchun yuqori samarali HVAC yechimlari yangi avlod bog‘langan intellektual muhitini shakllantirmoqda.

Life’s Good falsafasi amalda

LG tadbir davomida Life’s Good falsafasini ta’kidlab, texnologiyalar kundalik ishlarda sezilmas yordamchiga aylanadigan kelajakni taqdim etdi. "SI amalda" yondashuvi hayotni yanada qulay va mazmunli qiladi, innovatsiyalarni turmush tarzimizning uyg‘un qismiga aylantiradi.