LG CordZero™ A9Komp　A9KMASTER　無線吸塵機

擁有七款吸頭啱好多實際屋企位置，要做到屋企一塵不染所以除咗客廳睡房呢啲地方之外, 屋企每一寸角落, 塵吸乾吸淨之餘唔想鬼鼠位有污糟,, 就要靠特製吸頭幫手啦 !咁樣先至可以做到每一個角落都咁乾淨, 呢個最基本嘅要求
第二個重要的是震動寢具吸頭，因為除左地下仲可以將床具一次過吸乾淨，連塵蟎都可以清得到，唔洗買多件吸塵機，吸力上仲要比塵蟎機勁
第三很特別的電動地拖吸頭，加上有三種供水量調節，非常實用，一邊拖一邊吸，既慳水又慳時間,而且可以一次過做拖地及吸麈的清潔的工作，其實更重要係唔會過多水份係地下，一下即拖即清就唔怕濕住個地方又等一排先落返地
另外亦好幫到我嘅係可調節式伸縮吸塵管，有4段唔同長度伸延，家人唔同身高都啱用，又可以因應唔同位置調節最fit嘅使用長度，吸埋D角落鬼祟位，多高位如櫃頂及難以觸及的地方均可作深層清理，不用徒手清潔
要做到完美吸塵機都仲差少少就係要考慮更多的消毒管理，因為好多時如果可以做到即時有消毒的效果，例如UV燈在吸口地拖上就相當之吸引，另外在吸頭的連接上可以有更穩陣的做法令我地向高清潔更放心，例如安全扣或者安全鎖形式會係很好的處理方式減少清潔可能引起的小意外

最吸引功能係-最安全集塵空間，集塵空間夠壓縮，多吸幾次更輕鬆，無耗材濾網極環保，二手塵飛不出至夠安全，,令到我一口氣吸塵之餘,也減少時間去叉電,可以節省不少時間, 設計最方便係簡單推出集塵盒，唔怕塵土飛揚，唔塵時的空氣有HEPA呼吸就倍覺潔淨，完全唔怕二次污染不會成為人肉吸塵機

床褥專用吸頭係最革命性的設計，床褥又大又重，日日訓會易滋生塵蟎，是一種主要致敏原，清到床褥就令我鼻敏清一清
對付水漬灰塵、貓狗毛髮、床底塵埃真係好強處理，絕對係A9Komp的強項
尤其二合一吸頭係另一個科技化的設計，就咁係啲櫃頂封哂塵啲地方掃過去就吸得哂啲塵
輕壓集塵空間！一掣壓縮塵埃多了2.4倍空間係好好用但也有令人煩惱的地方如果如左二合一吸頭的時候

美中不足係唔覺意見到啲水潰都吸過去，發現果陣已經見到有大半塵濕左經過壓縮後, 好驚佢濕出尼
到清理塵袋就太實有難度

我好少買完野會寫評論，但LG呢個A9KMASTER真係好好用，係我買過咁多唔同既清潔小家電入面，性價比最高同埋最實用既吸塵機！真心推介！雖然價錢唔平，但係試過唔同品牌既清潔家電，我真係寧願一開初就買呢部吸塵機，計落我之前用係買無線吸塵機、智能吸塵掃地機械人既錢，其實都已經買到呢個吸塵機綽綽有餘！作為一個用左呢部吸塵機幾個月既用家，就等我講下佢有幾好用啦：

1. 吸塵拖地功能：我勁鍾意呢部機有埋拖地功能，我用得最多就係佢既濕拖吸頭，可以一邊吸塵一邊拖地，亦可以揀淨係拖地，同埋可以揀出水量，要幾濕有幾濕，超級方便。可能你會話，買個掃拖機械人都做到啦！作為一個同時間亦擁有某出名品牌既掃拖機械人既用家，我可以話俾你知，絕對係唔同！用機械人其實有好多鬼祟位都清潔唔到，而且成日都過唔到門口既駁位停左係到，仲要一間唔係好大既屋，你自己拖地用15分鐘，佢同你用足大半個鐘-1個鐘先吸完拖完間屋 (仲要有時清左一忽就失靈，搞到我要出動傳統地拖去清潔埋淨低既地方..........)。係，好處係唔洗自己郁手，但係部機自己走黎走去，又要就住佢既活動路線，搞到我好多時候唔郁得，或者係佢清潔緊間書房既時候要搬部laptop出廳做，快就話姐，搞成個鐘，真係好晒時間。但係A9K就唔同，完全由自己控制，依家我吸塵同拖地真係15分鐘內乜都搞掂晒！就係因為用咁短時間可以清潔得間屋乾乾淨淨，所以我都好肯用呢部機成日清潔間屋

2. 6個吸頭：呢部機有6個吸頭，個個吸頭都好岩用，最開心既係佢有個床褥專用吸頭，因為我真係唔鍾意用吸梳化既吸頭黎吸埋床同枕頭，感覺好唔衛生，但依家有咁多個吸頭，我可以assign每個吸頭用係唔同既特定地方/ 物品。而且吸力非常之好，有左呢部機真係可以做到所有地方一塵不染！

3. 集塵盒設計：呢個堅正，我用過咁多吸塵用品，全部都標榜方便倒出D垃圾，但到開親個塵盒，倒完D塵，都仲要用手或者掃去掃埋淨低痴住個塵盒/瀘網果D污糟野，有時仲會跌左D塵落垃圾桶隔離，又要執返佢，好麻煩。但係A9K係集塵盒既設計真係用心，真正可以做到不沾手，禁個制就可以將D垃圾同塵壓縮，一倒就倒晒出黎，唔洗再掂到D污糟野真係勁開心。以前我成日都勁懶唔想清塵盒，因為我係有潔癖，要我用手掂呢D污糟野，我真係覺得10萬個嘔心！所以唔到個塵盒滿晒果一刻，我係唔會清佢，但AK9我成日都會清個塵盒，因為實在太方便啦！禁個制就乜都倒晒出黎，仲要倒出黎既垃圾經過壓縮係唔會係空氣中飛揚，唔洗驚跌左D垃圾/塵係個垃圾筒側邊！

4. 雙電池：我勁鍾意部機有2粒電，就算裝左係部機果粒電用完，我都仲有後備電池，唔洗驚清到一半冇得清。我之前用過既一部無線吸塵機，係要用個插頭插條線落個吸塵機到差電，其實不停係咁吸既話，20分鐘左右D電就會用晒，我成日都唔記得差電，得返一格電果陣清清下突然冇電，真係冇辦法，又要差完先吸到塵。但A9K唔單止有2粒電，仲要1粒可以用到勁耐，真心鍾意呢個差電設計同埋電量！

5. 收納座：我之前部無線吸塵機冇座，所以只可以攝係睡房個衣櫃同牆之間，但有時佢會 “扇”左落黎，成日都要”棟”方好部機。但A9K設有收納座，同時間可以差埋電，既方便又整齊，仲要放好部機落個座會有提示音，我唔洗驚冇放好幫佢差唔到電，好貼心既設計！

6. 靜：呢個好重要，佢真係比一般既吸塵機同埋掃拖機械人靜好多，但係清潔力一樣咁強，如果我淨係用拖地功能，真係直情冇聲咁滯，岩晒我係老公訓左覺之後去清潔間屋 (因為老公訓左就唔洗係到行黎行去阻住晒我清潔)！

呢部吸塵機真心好用，強烈推介大家要買!!!! 價錢雖然比一般市面既吸塵機貴左少少，但係物超所值，呢部機真係做到係每一方面都帶俾你最好既體驗，best of the best!!!

之前要我老公做家務簡直難過登天
又話啲吸塵機太矮太細
要佢吸完塵就話搞到條腰好攰好酸
（我老公180，我150）
叫佢幫手抹地又話唔想扒喺度扒到腳仔軟

但宜家呢部吸塵機有伸縮管 又有拖地頭
佢無晒啲藉口 唔做唔得
另外部機配件夠晒多 又有兩舊電跟
我老公係一個大細路
乜都玩餐飽
啱晒佢日玩夜🤣

所以 真係唔多謝呢部A9k master唔得👏🏻

吸力強勁，配件多，比另一英國牌子稍為寧靜，掃木地板，掃地毯都好易，清理狗毛好快，而且有地拖吸頭，掃完就拖快夾正，震動吸頭負責吸床鋪寢具，吸走晒塵蟎，如果有埋噴蒸氣或紫外線消毒就更正，另外LG呢款有充電企身座，可以將吸塵機更好咁擺放係牆邊，唔需要鑽牆或單獨擺放，吸塵機冇咁易跌，仲有個壓縮垃圾lever，可以儲多幾次塵埃垃圾才一按清空，以無線吸塵機來說叫做功能齊全，送埋雙電叫做大方，起碼唔會吸吸吓塵冇電，就企咗響度唔知點好。
仲有濾網可以洗清重用, 唔使換新, 叫做慳筆使費
俾四粒星因為都幾貴

唔計濕拖配件，我覺得最細心的設計係呢D有設計的智慧配件，仲可以唔洗東一舊西一舊咁擺放
1.硬地板專用絨毛吸頭, 最岩晒清沙發底D污糟垃圾
2.隙縫專用吸頭, 我覺得吸車內D暗位，吸力強就岩晒細細地咁吸得乾淨
3.二合一毛刷吸頭, 我會用黎清潔一些貴用的表面，如皮革的外表，就唔怕整花
4.電池, 可以當作消耗品咁換先係真正重要，因為電池由我地換就最方便唔洗買保養
5.綠色前置濾網, 可以幫手減輕二次污染
6.HEPA 濾網, 完全係最幫到我省錢，可以用水清洗係需要時先換
7.智慧雙旋濕拖吸頭組

成隻wall e既樣呢部吸塵機，最幫得我手係電動地拖吸頭功能，可以一開機有兩個同時使用的用途，等我慳返時間慳返功夫同電費，咁可以同一日嘅時間慳咗係好多唔同地方，可以吸啲狗毛頭髮，同埋可以給埋床鋪同埋我吸到窿窿罅罅或者最難給嘅地方都給得到因為有佢4段伸縮，試過好多隻吸塵機都無咁多彈性

💡全面清潔吸嘴可緊貼牆邊，輕鬆清理家中每個角落。

💡把手形狀經精心設計，提升手感，可享受最輕鬆的打掃體驗。

剛買了用了第三天, 發現它的吸力比 DYSON 強, 而且機身沒有那麼重, 日常打掃方便